Á dögunum útbjó ég súkkulaðiskálar í fyrsta skipti og gerði tvær tilraunir þann dag. Önnur var jarðaberja ostakaka í sléttri súkkulaðiskál og hin var þessu hér. Þessi skyrkaka var sáraeinföld og guðdómlega ljúffeng og það er ekki mikið mál að útbúa þessar súkkulaðiskálar.
Hindberja skyrkaka uppskrift
Súkkulaðiskálar
- 500 gr hjúpsúkkulaði í skálarnar
- U.þ.b 8-10 blöðrur
- Blásið örlítið í blöðrurnar og bindið hnút.
- Bræðið 500 gr hjúpsúkkulaði í skál og setjið bökunarpappír á bakka.
- Dýfið botninum á hverri blöðru í skálina eins langt og þið viljið hafa skálina djúpa, snúið blöðrunni við og leyfið súkkulaði að leka í öfuga átt til að útbúa óreglulegar súkkulaðiskálar. Leggið á bökunarpappír áður en storknar.
- Kælið á meðan skyrkakan er útbúin og sprengið þá blöðrurnar með því að klippa/stinga á þær.
- Raðið skálunum á diska og gott er að festa hverja og eina með eins og 1 tsk af bræddu hjúpsúkkulaði svo skálin renni ekki um diskinn þegar borðað er úr henni.
Skyrkaka
- 500 ml þeyttur rjómi í ostakökuna sjálfa
- 500 gr Skyr.is vanillu
- Fræ úr einni vanillustöng
- 250 gr fersk maukuð hindber
- Fersk hindber til skrauts
- ½ pk Lu Bastogne kex, mulið
- 40 gr brætt smjör
- Þeytið rjómann.
- Vefjið skyrinu og vanillufræjunum saman við þeytta rjómann þar til slétt.
- Blandið bræddu smjörinu saman við kexmylsnuna.
- Setjið góða matskeið af kexmylsnu í botninn á hverri skál og skiptið skyrblöndunni svo á milli skálanna.
- Skreytið með ferskum hindberjum.
