Sumarvefjur

Hér á ferðinni eru tvær dúndurgóðar vefjur sem taka mjög skamman tíma að útbúa!

Suðræna vefjan er hinn fullkomni sumarkvöldverður og svo er hin meira á léttu nótunum. Pikknikk vefjan er góð í nestisboxið, fjallgönguna eða sem hádegisverður að mínu mati á meðan suðræna vefjan er matarmeiri.

Suðræn vefja uppskrift

6 stk (1 pk) Mission Wraps vefjur með grillrönd
900 g kjúklingabringur (3-4 stk) t.d Rose Poultry
8-10 msk Sweet BBQ sósa frá Heinz
1/3 ferskur ananas
½ mangó
Íssalat
Rauðlaukur
Vorlaukur
Kóríander
Rifinn ostur
Salt, pipar, ólífuolía

Skerið grænmeti og ávexti í litla bita, rífið ost og leggið til hliðar.
Skerið kjúklingabringurnar í litla bita, steikið upp úr ólífuolíu og kryddið til með salti og pipar. Þegar bitarnir eru steiktir í gegn er pannan tekin af hellunni og BBQ sósunni hrært saman við.
Gerið vefjurnar tilbúnar og setjið vel af kjúklingablöndu, rifnum osti og grænmeti og ávöxtum á hverja köku og vefjið upp.

Þessar voru brjálæðislega góðar og voru ekki lengi að tæmast úr körfunni!

Pikknikk vefja uppskrift

5 stk Mission Wraps vefjur með Quinoa og Chia
10 skinkusneiðar
Ostsneiðar eftir smekk
4 tómatar skornir í sneiðar
Íssalat
Rjómaosta-sinnepssósa (sjá uppskrift að neðan)

Rjómaosta-sinnepssósa

200 g Philadelphia rjómaostur við stofuhita
2 msk mjólk
½ tsk salt
½ tsk pipar
1 msk Sweet Yellow mustard frá Heinz

Smyrjið vel af rjómaosta-sinnepssósu á hverja vefju.
Raðið álegginu á vefjurnar og rúllið þétt upp.
Skerið aðeins af endunum beggja megin og skiptið hverri vefju síðan í fjóra bita.
Festið hvern og einn bita saman með tannstöngli eða öðru slíku.
Fullkomið í lautarferðina, nestisboxið eða hvað sem er.