Súkkulaði, rjómi, bananar og bláber…..þarf að segja eitthvað meira?
Þessi uppskrift var gerð fyrir Gott í matinn þennan mánuðinn og vá hvað þetta var gott! Mæli með þið bregðið út af vananum og prófið þessa dásemd.
Súkkulaðivöfflur uppskrift
- 150 g hveiti
- 25 g bökunarkakó
- 2 tsk lyftiduft
- 2 msk púðursykur
- ¼ tsk salt
- 1 egg
- 250 ml mjólk
- 125 ml ólífuolía
- 2 tsk vanilludropar
- Sigtið saman hveiti, kakó og lyftiduft, leggið til hliðar.
- Blandið púðursykri og salti saman við hveitiblönduna.
- Hrærið saman eggi, mjólk, olíu og vanilludropa í hrærivélinni.
- Á meðan K-ið snýst má hella þurrefnunum saman við mjólkurblönduna og hræra þar til kekkjalaust.
- Smyrjið heitt vöfflujárnið með örlitlu smjöri og bakið vöfflurnar.
- Uppskriftin gefur um 9-10 vöfflur.
- Gott er að bera vöfflurnar fram með þeyttum rjóma, bananasneiðum, bláberjum og bræddu súkkulaði.
Við vinkonurnar vorum einmitt saman í gærkvöldi og þeyttur rjómi kom til tals, eða öllu heldur vöntun á þeyttum rjóma. Ég sagði þá við þær að rjómi væri eitt af því sem væri ALLTAF til í mínum ísskáp, ætli ég grípi ekki rjómafernur samhliða mjólkurfernum enda er gerir rjómi allt betra!
Megið endilega fylgja mér á INSTAGRAM
