Ég veit ekki hversu lengi ég hef leitað af hinum fullkomna vínrekka til að hafa á veggnum í borðstofunni. Það er ekki mikið úrval af slíkum hérlendis en um daginn rakst ég á þennan undurfallega vínrekka á www.syrusson.is og vissi strax að hér væri kominn hinn eini sanni fyrir mig.
Það er hægt að fá Hangover vínrekkana í mismunandi litum en þar sem við erum með mikið af eikar innréttingum og brúnan leðursófa í stofunni fannst mér þessi litasamsetning passa best hér hjá okkur.
Það gerir ótrúlega mikið að hafa skinnið á einni flösku og brýtur hönnunina aðeins upp.
Að sjálfsögðu þarf að skella í gúrme ostabakka og bjóða upp á rauðvín með til að njóta þess að horfa á svona fallegheit á veggnum hjá sér og hér kemur skemmtileg útfærsla af slíkum fyrir ykkur að prófa.
Ostabakki
- Bakaður ostur (sjá uppskrift að neðan)
- Rjómaostur með bláberjasultu (sjá aðferð að neðan)
- Dala Hringur í sneiðum
- Hráskinka
- Súkkulaðihúðuð trönuber, möndlur, döðlur
- Epli, brómber, bláber, granatepli, vínber
- Kex og grissini stangir
Bakaður ostur
- 1 x Dala Auður
- 1 lúka bláber
- 1 lúka brómber
- 1 lítið epli
- 4 msk. sýróp
- Pekanhnetur, timian og granatepli
- Skafið efsta lagið ofan af ostinum og komið honum fyrir í eldföstu móti, bakið við 180° í 10-15 mínútur.
- Á meðan osturinn er í ofninum má skera eplið niður í litla teninga og setja í pott ásamt bláberjum, brómberjum og sýrópi.
- Gott er að ná upp suðunni og leyfa þessu síðan að malla þar til osturinn er tilbúinn og hella þá yfir hann.
- Að lokum má setja pekanhnetur, granatepli og timian yfir allt saman og njóta með góðu kexi eða brauði.
Rjómaostur með bláberjasultu
- Rjómaostur
- Bláberjasulta
- Bláber og timian
- Setjið rjómaost í skál og vel af bláberjasultu yfir hann, toppið með ferskum bláberjum og timian. Njótið með góðu kexi eða brauði.
Mmmm…..
Myndirnar okkar frá Pike Place Market öðru megin og fallegi vínrekkinn hinumegin, við erum ánægð með þessa blöndu!
Finnst mjög líklegt fleiri en við höfum leitað af hinum fullkomna vínrekka og vona ég svo innilega hann sé fundinn fyrir fleiri.
Fallegur frá öllum sjónarhornum.
Megið endilega fylgja Gotterí líka á INSTAGRAM
