Þetta undursamlega hótel hýsti okkur hjónin um síðustu helgi þegar við héldum á vit ævintýranna og freistuðum þess að komast á topp Hvannadalshnúks. Þrátt fyrir að hópnum hefði verið snúið við vegna veðurs þegar langt var komið á Hnúkinn var dvölin á hótelinu dásamleg.
Hótelið er virkilega fallega innréttað, herbergin töff og maturinn ljúffengur.
Það er svo fallegt að keyra Suðurströndina, endalausir merkilegir staðir til að skoða og Fosshótel Glacier Lagoon á fullkomnum stað áður en haldið er lengra austur, nú eða hreinlega til þess eins að taka þangað bíltúr og njóta umhverfisins á leiðinni!
Við gistum tvær nætur, fengum okkur þriggja rétta máltíð snemma á föstudagskvöldinu til að næra okkur vel fyrir gönguna og mikið sem það var huggulegt að sitja þar og borða og undirbúa sig fyrir ævintýrið.
Sjávarréttasúpan var ekki bara falleg heldur líka afar bragðgóð.
Ég fékk mér þennan bakaða ost í forrétt fyrra kvöldið og ég er enn að hugsa um hann! Spurning að taka rúntinn austur aftur aðeins til að gæða sér á þessari dásemd!
Þorskurinn var alveg upp á tíu, ég elska að fá góðan fisk á veitingastöðum, namm!
Heit súkkulaðikaka er eitthvað sem hittir alltaf í mark. Þessi var hins vegar með karamellu, kókos og kókosís til að toppa annars fullkomna köku svo þessi eftirréttur var pantaðu tvö kvöld í röð, tíhíhí!
Lýsing og hönnun á hótelinu er á heimsklassa, þessi ljósadýrð tekur á móti manni þegar inn er gengið.
Að geta skellt sér í gufubað og heitan pott er toppurinn á tilverunni eftir góða göngu, svo var æðislegt að sitja í sloppnum í hvíldarherberginu með drykk og slaka á og spjalla.
Ég hugsa ég gæti sett inn endalausar myndir og skrifað hér miklu meira en það eina sem ég get sagt er að sjón er sögu ríkari og ég mæli eindregið með heimsókn á þetta fallega hótel.
Hér er síðan hægt að sjá myndbönd og frekari upplýsingar á Instagram.
Samstarf í formi afsláttar
