Nú þegar fyrsta haustlægðin hefur herjað á landið er ekki seinna að vænna en byrja að setja hingað inn heita og ljúffenga drykki! Ég var að prófa Chai te í fyrsta skipti og almáttugur hvað þetta er gott! Þessi heiti bolli færði mig um stund í huganum á kaffihús í U-Village í Seattle þar sem við bjuggum einu sinni og ég fékk sannarlega gott í hjartað við þá tilhugsun, sakna Seattle svoooooo mikið!
Karamellu Chai
Uppskrift dugar í 3 bolla/könnur
- 600 ml nýmjólk
- 9 msk. Chai Tiger Spice
- 3 tsk. karamellu íssósa (+ meira til skrauts)
- 150 ml þeyttur rjómi
- Hnetukurl
- Setjið 3 matskeiðar af Chai Tiger Spice dufti í hvern bolla.
- Hitið mjólkina að suðu og hellið jafnt á milli bollanna, hrærið vel í þar til duftið leysist upp.
- Hrærið þá um einni teskeið af karamellusósu saman við, setjið vel af þeyttum rjóma í hvern bolla og skreytið með smá karamellusósu og hnetukurli.
Tiger Spice Chai te er eitthvað sem færir ykkur notalegheit og gott bragð í sama bollanum, mæli með! Fyrir okkur sem ekki drekkum formlega kaffi þá er þetta líka algjör snilld.
David Rio Chai te fæst í verslunum Krónunnar.
Mmmm…..ég hlakka til að prófa mig enn frekar áfram með gómsæt Chai te!
