Hér kemur dönsk færsla af bestu gerð! Það eru nefnilega danskir dagar í Húsgagnahöllinni og þá er 20% afsláttur af dönskum vörum! Þegar ég var að finna upp á einhverju sniðugu í kringum þá kom danskt „smörrebröd“ upp í hugann og það var ekki aftur snúið. Ég fann dönsk bjórglös, dönsk trébretti, danskt rúgbrauð og og og……hér fáið þið útkomuna!
Það er auðvitað endalaust af fallegum vörum til í Húsgagnahöllinni og ég elska að skoða þar, alltaf svo fallegt, vel uppstillt, hreint og fínt!
Muubs vörurnar eru guðdómlegar og eru til dæmis öll þessi trébretti frá þeim, síðan eru hér líka vörur frá Nordal, Broste og fleiri merkjum.
Bjórglösin frá Holmegaard eru ekta flott bjórglös og eru til ýmsar gerðir. Glasið hér að ofan er „Det danske glas“ svo ég var ekki lengi að velja, haha!
Danskt „smörrebröd“
Roastbeef-smurbrauð
- Danskt rúgbrauð ½ sneið fyrir hverja
- Salat
- Roastbeef sneið
- Remúlaði
- Steiktur laukur
- Súrar gúrkur
- Baunaspírur til skrauts
Rækju-smurbrauð
- Danskt rúgbrauð 1 sneið fyrir hverja
- Smjör (smurt á rúgbrauðið)
- Salat
- Harðsoðið egg 2 sneiðar á hverja
- Rækjur (affrystar, ein lúka á hverja)
- 1 tsk. majónes á hverja
- Dill og sítróna til skrauts
Ég kreisti líka smá sítrónu yfir rækjurnar og saltaði þær örlítið og pipraði.
Það er eiginlega skylda að fá sér ískaldan bjór með svona „smörrebröd“ og þó svo Stella sé ekki endilega dönsk þá fór hún einstaklega vel með þessu!
Þessi bretti, þessir diskar, þessi matur……já takk!
