Gotterí og gersemar banner

Vefjuvasar með kjúklingi



⌑ Samstarf ⌑
Kjúklingavefjur uppskrift

Það er kominn föstudagur og þá er tilvalið að hafa mexíkóskt þema í eldamennskunni! Það er svo ekta föstudags að gera vefjur, tacos, nachos eða þvíumlíkt!

Vefja með grænmeti og kjúkling

Það var að koma svo mikil snilld á markaðinn frá Old El Paso, en það eru svona „vefjuvasar“! Þetta er í raun eins og mjúk tortilla nema núna þarf ekkert að hugsa um að brjóta upp á öðru megin eða hafa áhyggjur af því að eitthvað leki út úr vefjunni því það er bara hægt að hrúga ofan í vasann og njóta áhyggjulaust!

Vefjur sem ekkert hellist úr

Þetta hentaði súpervel fyrir mína 4 ára (sem er hér handamódel fyrir mömmu sína) sem endar alltaf með vefjuna sína lausa og allt út um allt!

Taco Tuesday

Vefjuvasar með kjúklingi

12 stykki/fyrir 4-6 manns

  • 12 stykki Old El Paso Tortilla Pockets
  • 4 kjúklingabringur
  • 12 sneiðar stökkt beikon
  • Kál
  • Avókadó
  • Tómatar
  • Laukur
  • Rifinn ostur
  • Old El Paso nachos flögur (muldar)
  • Kóríander
  • Old El Paso tacosósa
  • Sýrður rjómi
  • Ólífuolía
  • Salt, pipar, hvítlauks- og paprikuduft
  1. Byrjið á því að merja kjúklingabringurnar niður með kökukefli/buffhamri svo úr verði þynnri stykki og nokkuð jöfn á þykkt.
  2. Steikið kjúklingabringurnar næst upp úr ólífuolíu við háan hita í 1-2 mínútur á hvorri hlið þar til þær brúnast vel. Lækkið þá hitann og setjið lokið á pönnuna, leyfið að malla í 6-8 mínútur og snúið einu sinni, hvílið bringurnar svo á meðan annað er útbúið því þá verða þær safaríkari. Skerið síðan niður í þunnar sneiðar.
  3. Skerið þá eldað, stökkt beikon niður ásamt öllu grænmeti.
  4. Hitið vefjuvasana samkvæmt leiðbeiningum á pakka, smyrjið sýrðum rjóma og tacosósu inn í hvern vasa og fyllið með kjúklingi, osti, grænmeti og muldum nachos flögum.
Old El Paso Tortilla Pockets

Ég óskaði eftir hugmyndum á Instagram um hvað mætti fara í svona vefjuvasa og flestir sögðu kjúkling svo ég ákvað að byrja á því. Það komu hins vegar mun fleiri hugmyndir og ég hlakka til að prófa fleiri og deila með ykkur.

Vefjuvasarnir fást í Krónunni, Fjarðarkaup og Melabúðinni.

Kjúklingavefjur

Það er skemmtileg tilbreyting að hafa stökkt, mulið beikon með í svona vefju, mæli með því að þið prófið.

Vefjuvasar með kjúklingi

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun