Gotterí og gersemar banner

Mexíkósúpa



⌑ Samstarf ⌑
Mexíkósk súpa með flögum og osti

Ég áttaði mig á því á dögunum að ég hafði aldrei sett hingað inn mexíkósúpu okkar fjölskyldunnar! Það var því sannarlega löngu kominn tími til og í þetta skiptið prófaði ég að skipta klassíska rjómaostinum út fyrir rjómaost með grillaðri papriku og chilli og það var hrikalega gott!

Mexíkósúpa rjómalöguð

Það var alveg smá meira „spicy“ svo þið sem eruð viðkvæm fyrir slíku getið til dæmis prófað ykkur áfram með magn og haft hluta klassískan og hluta með chilli og papriku.

Mexíkó súpa með sýrðum rjóma og osti og snakki

Mexíkósúpa uppskrift

Fyrir um 4 manns

  • 1 rauð paprika
  • 1 blaðlaukur
  • ½ laukur
  • 4 kjúklingabringur
  • 1 flaska Heinz Chili sósa (340 g)
  • 600 g hakkaðir tómatar í dós (1 ½ dós)
  • 500 ml vatn
  • 300 g rjómaostur með grillaðri papriku og chilli frá Gott í matinn
  • 150 ml rjómi frá Gott í matinn
  • Salt, pipar og hvítlauksduft
  • 1 msk. kjúklingakraftur
  • Ólífuolía til steikingar
  • Sýrður rjómi frá Gott í matinn
  • Rifinn ostur frá Gott í matinn
  • Nachosflögur
  1. Skerið papriku í strimla og saxið blaðlauk og lauk, geymið.
  2. Skerið kjúklinginn niður í munnstóra bita, steikið léttilega í pottinum upp úr ólífuolíu. Kryddið til með salti, pipar og hvítlauksdufti og leggið svo til hliðar.
  3. Steikið nú grænmetið í sama potti, bætið við olíu og kryddið eftir smekk.
  4. Þegar grænmetið mýkist má blanda chili sósunni, hökkuðum tómötum, vatni og rjómaosti saman við og hræra þar til rjómaosturinn er bráðinn saman við súpuna.
  5. Þá má setja kjúklingakjötið og rjómann í pottinn og leyfa að malla aðeins áfram, kryddið til með krafti og kryddum.
  6. Berið fram með sýrðum rjóma, rifnum osti og nachosflögum.
Mexíkósúpa með rjómaosti

Það er um að gera að leika sér aðeins með bragðtegundir og þessi rjómaostur smellpassaði í stað þess hefðbundna í þessa súpu.

Mexíkósúpa með nachos

Mexíkó kjúklingasúpa er eitthvað sem flestir elska og síðan er auðvitað ekkert vitlaust að gera rúmlega eina uppskrift til þess að eiga til upphitunar næsta dag og slá þannig tvær kvöldmatarflugur í einu höggi.

Mexíkósúpa með chili og rjóma

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun