Það er fátt betra en ljúffengur matur sem tekur enga stund að útbúa! Þessi súpa var undursamleg og hún var í kvöldmatinn hjá okkur í vikunni. Þessi súpa væri líka tilvalinn forréttur þegar svo ber undir.
Það passar síðan mjög vel að hafa nýbakað snittubrauð með smjöri með þessari máltíð, mmmmmm!
Sveppasúpa uppskrift
Fyrir 4-6 manns
- 500 g blandaðir sveppir
- ½ laukur
- 2 hvítlauksrif
- 50 g smjör
- 1 líter vatn
- 800 ml rjómi
- 2 pakkar TORO skógarsveppasúpa
- 1 msk. ferskt timían
- 2 msk. nautakraftur
- Salt og pipar eftir smekk
- Skerið sveppina niður í sneiðar (ég var með portobello, kastaníu og venjulega).
- Saxið laukinn smátt og rífið niður hvítlaukinn.
- Steikið lauk og hvítlauk stutta stund upp úr smjöri, bætið síðan sveppunum saman við og steikið áfram þar til allur vökvi gufar upp. Kryddið til með salti og pipar.
- Hellið vatni og rjóma í pottinn og pískið súpuduftið saman við ásamt timían.
- Kryddið til með nautakrafti, salti og pipar og leyfið að malla stutta stund.
- Gott er að bera súpuna fram með nýbökuðu snittubrauði.
Það er svo sannarlega einfalt að gera ljúffenga súpu með aðstoð TORO!
Þessi var í það minnsta vinsæl hjá öllum sem hana smökkuðu.
