Ég elska Taquitos og hef nokkrum sinnum gert slíkar rúllur. Það er hins vegar snilld að setja blönduna inn í svona vefjuvasa því þá er ekkert að leka út um annan endann og auðveldara að borða með því að halda á vasanum.
Það er hægt að kaupa tilbúinn eldaðan kjúkling til að einfalda sér verkið og það er fljótlegt og gott að útbúa þessa dásemd.
Kjúklingavasar uppskrift
Fyrir um 4 manns
Kjúklingavasar
- 8 x Old El Paso Pocket vasavefjur
- 400 g rifinn,eldaður kjúklingur
- 120 g rifinn ostur
- 130 g rjómaostur við stofuhita
- ½ lime (safinn)
- 100 g Old El Paso salsasósa
- 2 msk. Old El Paso Tacokrydd
- 2 rifin hvítlauksrif
- 1 tsk. salt
- 3 msk. saxaður kóríander
- Matarolía til penslunar
- Gróft salt
- Hitið ofninn í 180°C.
- Takið til vasavefjur, kjúkling og ost, leggið til hliðar.
- Blandið öllum öðrum hráefnum saman í skál fyrir utan matarolíu og gróft salt.
- Þegar búið er að píska það saman má bæta rifnum osti og kjúkling saman við og skipta á milli vefjuvasanna.
- Raðið þeim næst á bökunarplötu, penslið með matarolíu og stráið smá grófu salti yfir.
- Setjið inn í ofn með álpappír yfir (svo vefjurnar brenni ekki) í um 10 mínútur, takið þá álpappírinn af og bakið áfram í um 5 mínútur eða þar til vefjuvasarnir gyllast vel.
- Berið fram með salsaídýfu (sjá uppskrift hér að neðan), Old El Paso guacamole og nachos flögum.
Salsaídýfa
- 70 g sýrður rjómi
- 70 g Hellmann‘s majónes
- 130 g Old El Paso salsasósa
- Pískið allt saman í skál og geymið í kæli fram að notkun.
- Fallegt er að strá söxuðu kóríander yfir í lokin en ekki nauðsynlegt.
Salsaídýfan er algjörlega ómissandi með þessum vefjuvösum og svo er líka gott að dýfa nachos flögum í hana og guacamole.
Nammi namm!
Taco Tuesday tekið á næsta level með þessari snilld!
