Brakandi ferskt Tacosalat með kjúklingi er alltaf góð hugmynd!
Að mylja nachos yfir salat, hvort sem það er eitt og sér eða sem meðlæti með öðrum mat er í uppáhaldi hjá mér, það er svo gott að hafa smá stökkt í bland!
Tacosalat uppskrift
Fyrir um 4 manns
- 4 kjúklingabringur
- Kjúklingakrydd
- Grillolía með hvítlauk
- 150 g maísbaunir (+ olía og salt)
- Romaine salat (eitt búnt)
- 1 rauð paprika
- 200 g Black beans
- ½ rauðlaukur
- Kóríander
- Old El Paso osta nachos flögur
- Hellmann‘s Avocado jalapeno streetfood majónes
- Kryddið kjúklingabringurnar og grillið þær á meðalheitu grilli, penslið með grillolíu og hvílið í um 10 mínútur eftir að þær eru tilbúnar.
- Steikið maísbaunirnar upp úr ólífuolíu og kryddið til með salti, leggið til hliðar.
- Skerið niður grænmetið og blandið saman í skál ásamt maísbaunum og svörtum baunum.
- Myljið nachos flögur og skerið niður kóríander og setjið yfir.
- Næst má skera niður kjúklingabringurnar, leggja yfir salatið og setja vel af Avocado majónesi yfir allt saman. Gott er síðan að hafa majónesið á borðinu fyrir þá sem vilja skammta sér meira.
Avocado jalapeno majónesið í flöskunni er alveg hrikalega gott. Ég elska bara að geta fengið svona majónes á flöskum til að „drizzla“ yfir eitt og annað, virkilega handhægt og þægilegt. Stórt LIKE á Hellmann’s fyrir að þróa þessa snilld!
Virkilega djúsí og gott salat sem ég mæli með að þið prófið!
