Risarækjur og spaghetti, já takk! Hér er á ferðinni ofureinföld og fljótleg uppskrift og útkoman er undursamleg.
Spaghetti með risarækjum uppskrift
- 500 g spaghetti
- 700 g risarækjur/tígrisrækjur
- 2 hvítlauksrif (rifin)
- 1 krukka Sacla Whole Cherry Tomato pastasósa
- Ólífuolía
- 1 msk. smjör
- Salt og pipar
- Basilíka
- Parmesan
- Sjóðið spaghetti samkvæmt leiðbeiningum á pakka.
- Steikið á meðan rækjurnar upp úr ólífuolíu þar til þær verða bleikar á litinn, kryddið með salti og pipar.
- Takið rækjurnar af pönnunni og færið yfir á disk, setjið smjörið á og steikið hvítlaukinn stutta stund.
- Næst má hella pastasósunni á pönnuna og hita hana upp og síðan setja bæði spaghetti og rækjur saman við og blanda saman.
- Þegar spaghetti er komið á diska má rífa parmesan ost yfir og skreyta með ferskri basilíku.
Uppskriftirnar gerast ekki mikið einfaldari en þetta og ég elska Sacla pastasósurnar!
