Sumarið leikur við okkur þessa dagana og hér kemur einn dásamlegur réttur á grillið!
Kjúklingabringur, ofnbakaðar kartöflur (líka hægt að grilla á grillpönnu), fylltir sveppir og köld sósa, einfalt og frábærlega gott!
Kjúklingabringur og grænmeti
Fyrir um 4 manns
Kjúklingabringur
- 4 marineraðar Ali kjúklingabringur með hvítlauk og kryddjurtum
- Grillið á vel heitu grilli í 6-8 mínútur á hvorri hlið.
- Hvílið í um 10 mínútur áður en þið skerið niður.
- Berið fram með fylltum sveppum, ofnbökuðum kartöflum og kaldri sósu (ég keypti tilbúna).
Fylltir portobello sveppir
- 4-6 portobello sveppir
- Rifinn piparostur (1 box)
- Skerið stöngulinn úr og aðeins innan úr sveppunum.
- Fyllið með rifnum piparosti og grillið í um 15 mínútur á efri grind/við óbeinan hita (ég setti sveppina á grillið við óbeinan hita jafn lengi og kjúklingurinn var á og það passaði fínt).
Sætar kartöflur í ofni
- 700 g sætar kartöflur
- Ólífuolía
- Salt, pipar og hvítlauksduft
- Hitið ofninn í 190°C.
- Flysjið kartöflurnar og skerið niður í litla teninga.
- Setjið í ofnskúffu og hellið 2-3 msk. af ólífuolíu yfir ásamt kryddi (eftir smekk) og blandið saman.
- Bakið í ofninum í um 35 mínútur eða þar til kartöflurnar eru mjúkar í gegn.
Þessar marineruðu bringur frá Ali eru æðislegar! Til í alls konar bragðtegunum og ég ætla klárlega að smakka fleiri tegundir á næstunni!
Mmmmm….
