Taco stendur alltaf fyrir sínu og gaman að prófa eitthvað nýtt í þeim efnum. Hér er á ferðinni grillaður kjúklingur í grilluðum tortillum með fersku hrásalati og guacamole, nammigott!
Hugmyndina sá ég hjá Tatyanas Everyday Food og útfærði aðeins eftir mínu höfði.
Grillað kjúklinga taco
Fyrir um 4 manns
- 700 g úrbeinuð kjúklingalæri
- 40 g Hellmann‘s majónes
- 1 sítróna (safinn)
- 1 msk. ólífuolía
- 2 tsk.salt
- 1 tsk. pipar, hvítlauksduft, laukduft, paprikuduft
- Old El Paso Street Market Tortillas (mini) 1 pakki
- Ferskt hrásalat (sjá uppskrift að neðan)
- Guacamole (sjá uppskrift að neðan)
- Hellmann‘s Chilli majónes
- Blandið majónesi, sítrónusafa, olíu og kryddum saman í skál og veltið kjúklingnum upp úr blöndunni svo hann hjúpist allur.
- Setjið plast yfir og í ísskáp í að minnsta kosti klukkustund (yfir nótt líka í lagi).
- Grillið kjúklinginn og skerið í strimla.
- Grillið tortilla kökurnar á heitu grillinu og raðið síðan öllu saman í hverja vefju, fyrst guacamole, næst hrásalati, síðan kjúkling og loks chilli majónesi.
Ferskt hrásalat uppskrift
- 250 g rauðkál
- 250 g hvítkál
- 1 lime (safinn)
- 1 msk. ólífuolía
- 2 msk. kóríander (saxað)
- Salt og pipar
- Skerið rauðkál og hvítkál í eins þunna strimla og þið getið, setjið í skál.
- Bætið lime safa, ólífuolíu og kóríander saman við og blandið öllu saman.
- Kryddið með salti og pipar eftir smekk.
Guacamole uppskrift
- 2 stór avókadó
- 1 lime (safinn)
- ½ rauðlaukur (fínt saxaður)
- 2 tómatur (skornir í teninga)
- 2 hvítlauksrif (rifin)
- 2 msk. kóríander (saxað)
- 1 msk. Hellmann‘s majónes
- Salt og pipar
- Stappið avókadó gróft og blandið öllu saman í skál.
- Smakkið til með salti og pipar.
Brakandi sumarlegt, ferskt og gott!
Mmm…..
