Hér er á ferðinni fljótlegur og ljúffengur ostabakki sem ég myndi reyndar kalla „Pandabakka“, þar sem guðdómlegu Panda súkkulaðikúlurnar spila stórt hlutverk. Nóvember verður brátt hálfnaður og jólin og allir þeir viðburðir sem þeim fylgja framundan. Aðventuboð, jóla saumaklúbbshittingar, vinnustaðahittingar, tónleikar og þar fram eftir götunum. Því er gott að fá hugmynd að fljótlegri en um leið algjörri lúxus lausn til að töfra fram góðar veitingar!
Gott er að blanda mismunandi ostum saman við ávexti, kex, kjöt og eitthvað sætt, þá getur þetta ekki klikkað!
Þessar súkkulaðikúlur eru auðvitað eitthvað annað góðar!
Einfaldur ostabakki
- 1 poki af Panda jarðarberja kúlum
- 1 poki af Panda karamellu kúlum
- 1 poki af Panda saltlakkrís kúlum
- 1 x Feykir ostur
- 1 x Auður ostur
- 1 x Höfðingi ostur
- 1 x Dala hringur
- Hráskinkubréf
- Salamibréf
- Brómber
- Rambutan ávöxtur
- Þurrkaðar fíkjur
- Sulta að eigin vali
- Kex að eigin vali
- Blóm til að skreyta með (valkvætt)
- Setjið Pandakúlur í skálar og raðið öllu saman á bakka.
Gaman er að blanda saman mismunandi tegundum af Panda kúlum á svona ostabakka!
