Eftir að ég horfði á svipað myndband um daginn á Instagram gat ég ekki hætt að hugsa um það áður en ég væri búin að prófa! Þetta er í alvöru eins einfalt og myndbandið sýnir og almáttugur hvað þetta var gott! Held ég þurfi klárlega að fara að prófa mig betur áfram í sushigerð!
Þetta var einfalt og tók ekki langan tíma og körfuboltastelpan mín fór með lúxus nesti á æfingu þennan daginn, haha!
Laxasushi með rjómaosti
12 bitar
- Lítill laxabiti (c.a 3 cm á þykkt)
- 1 x avókadó
- 12 tsk. Philadelphia rjómaostur með sweet chili
- 120 g Blue Dragon sushigrjón (+ ½ msk. hrísgrjónaedik og 330 ml vatn)
- Blue Dragon Nori blað
- Chilli majónes
- Saxaður graslaukur
- Sesamfræ
- Sjóðið sushi grjónin samkvæmt leiðbeiningum á pakka og leyfið hitanum aðeins að rjúka úr á meðan annað er undirbúið.
- Undirbúið tóman eggjabakka með því að leggja plastfilmu ofan í botninn á honum öllum.
- Sneiðið laxinn í þunnar sneiðar og komið fyrir neðst í eggjabakkanum í öllum 12 hólfunum.
- Næst má skera avókadó niður í þunnar sneiðar og setja eina sneið ofan á hvern laxabita.
- Næst fer um ein teskeið af rjómaosti ofan á avókadóið og sléttið aðeins úr.
- Nú má fylla upp í hvert „eggjahólf“ með sushigrjónum og þjappa vel niður.
- Klippið nori blöð niður svo þau passi ofan á grjónin, þrýstið vel að, plastið yfir og kælið, eða hvolfið strax úr og raðið á bakka.
- Toppið laxinn síðan með chilli majónesi, söxuðum graslauk og sesamfræjum.
Rjómaosturinn fullkomnaði þennan sushibita!
Mmmm…..
Corona 0% er síðan fullkominn drykkur með þessari máltíð!
Þessi færsla er unnin í samstarfi við Gerum daginn girnilegan!
