Í desember skreytti ég þessa skírnarköku fyrir lítinn vin minn sem fékk nafnið Viktor Breki.
Mamma hans hafði ákveðna hugmynd að skreytingu, litasamsetningu og slíku og fannst okkur takast vel til.
Kakan er á tveimur hæðum, 3 x 20 cm botnar (teknir í tvennt = 6 þynnri botnar) á neðri hæð og 3 x 15 cm botnar (teknir í tvennt = 6 þynnri botnar) á efri hæð (pappaspjald og súlur á milli).Botnarnir eru Betty Crocker, súkkulaðismjörkrem á milli og vanillusmjörkrem í skreytingu utan á. Nákvæmari upplýsingar um magn og aðferð getið þið fundið undir Skírnarveisla hér í annarri færslu síðan í fyrra nema nú var blátt þema en ekki bleikt.
Þeir stútar sem voru notaðir á þessa dásemd voru 2D frá Wilton í rósirnar og síðan misstórir stjörnustútar með þéttum tönnum (t.d hægt að nota 32, 4B eða 6B frá wilton), notaði síðan stóran stjörnustút með þéttum tönnum í „öldumynstrið“ á milli hæðanna.
