Djúpsteiktir ostabitar



Beer snack

Það hlaut að koma að því að ég færi að djúpsteikja osta eftir alla þá sem ég hef bakað í ofni í gegnum tíðina, hahaha! Þetta var sko sannarlega þess virði, ofureinfalt og alveg hrikalega gott!

Dúpsteiktur camembert

Nú þarf ég bara að finna upp á fleiri uppskriftum þar sem ég er að djúpsteikja osta á mismunandi vegu, þið megið endilega senda mér hugmyndir ef þið hafið einhverjar.

Djúpsteiktur ostur í bitum

Djúpsteiktir ostabitar uppskrift

Um 20 bitar

  • 2 x Dala hringur
  • 50 g hveiti
  • 2 pískuð egg
  • 60 g Panko rasp
  • 1 msk. söxuð steinselja
  • Salt og pipar
  • Um 300 ml olía
  • Chilisulta
  1. Skerið ostinn í bita (um 10 bita hvern).
  2. Setjið hveiti í eina skál, pískuð egg í aðra og Panko, steinselju og salt og pipar í þá þriðju.
  3. Dýfið hverjum ostabita fyrst upp úr hveiti, dustið það vel af og þekjið næst vel með eggi og loks vel af Panko.
  4. Raðið á bökunarpappír á bakka og setjið í frystinn í eina klukkustund áður en þið steikið (svo hann leki ekki út um allt við steikinguna).
  5. Hitið olíu í djúpri pönnu og hafið það mikið af olíu að hún nái upp hálfan ostbita, steikið þá síðan í vel heitri olíunni í um 1-2 mínútur á hvorri hlið eða þar til þeir eru gullinbrúnir.
  6. Leggið á eldhúspappír svo olían leki vel af, raðið svo í skál og njótið með chilisultu.
Bjór og ostar

Namm þetta var svo gott með Chilisultu!

Djúpsteiktir ostabitar og sweet chili sulta

Skildu eftir svar

Netfang þitt verður ekki birt.

Flokkar

0
    0
    Karfan þín
    Karfan er tómNetverslun