Ef ekki núna í öllum þessum snjó og kulda, þá veit ég ekki hvenær! Þetta kakó er akkúrat það sem fullorðnir þurfa á næstunni, í komandi vetrarfríum, skíðafríum, eftir kalda gönguferð eða, eða eða…..bara þegar ykkur langar í!
Ríkt súkkulaðibragð með viskíkeim og léttþeyttur rjómi er fullkomin þrenna!
Viskíkakó
Uppskrift dugar í 2-3 bolla/glös
- 500 ml nýmjólk
- 3 msk. Cadbury bökunarkakó
- 2 msk. púðursykur
- 100 g suðusúkkulaði
- ½ tsk. salt
- 1 tsk. vanilludropar
- 100 ml Famous Grouse viskí
- 300 ml léttþeyttur rjómi
- Karamellusósa (þykk íssósa)
- Súkkulaðispænir
- Setjið mjólk og bökunarkakó í pott og pískið saman.
- Bætið púðursykri, súkkulaði og salti saman við og hrærið á meðalháum hita þar til súkkulaðið er bráðið, hitið að suðu rétt í lokin til að fá góðan hita í drykkinn og takið af hellunni.
- Bætið vanilluropum og viskí saman við, hrærið vel saman og skiptið niður í glösin.
- Toppið með þeyttum rjóma, karamellusósu og smá súkkulaðispæni.
Mmmm……
