Hér er á ferðinni ótrúlega gott ískaffi með súkkulaðibragði. Það er gaman að prófa sig áfram með kalda kaffidrykki nú þegar sumarið nálgast. Þessi hér er mjög einfaldur og góður um leið og hann er fallegur og fágaður!
Ég var svolítið sein á kaffifroðuvagninn en þetta er hin mesta snilld og mjög einfalt að útbúa!
Súkkulaði ískaffi
Uppskrift dugar í um 2 glös
- 150 ml G-mjólk
- 150 ml Hleðsla með súkkulaðibragði
- Klakar
- Kaffifroða (sjá uppskrift hér að neðan)
- Bökunarkakó
- Hrærið saman G-mjólk og Hleðslu.
- Hálffyllið glas með klökum og skiptið blöndunni niður í glösin.
- Toppið með kaffifroðu og stráið smá bökunarkakó yfir.
- Hrærið síðan öllu saman og njótið.
Kaffifroða uppskrift
- 2 msk. skyndikaffi (Nescafé)
- 2 msk. sykur
- 2 msk. sjóðandi vatn
- Þeytið allt saman þar til létt og ljós kaffifroða hefur myndast. Áferðin á að minna á þeyttan rjóma.
Mmmm…..þessi drykkur er eitthvað sem allir verða að prófa í sumar!
