Ef þessi samsetning segir ekki S U M A R þá veit ég ekki hvað! Þetta er súpereinföld lausn á „Pigs in a blanket“ eins og Ameríkaninn myndi orða það! Snilld til að græja í útilegunni og slá í gegn hjá ungum sem öldnum!
Nammi, namm!
Pylsur í brauði á teini
30 einingar/15 prik
- 10 stk pylsur
- 1 x upprúllað, tilbúið pizzadeig
- 1 x egg
- 1 tsk. vatn
- Sesamfræ
- 15 grillprik
- Heinz yellow mustard
- Heinz tómatsósa (50% less sugar)
- Skerið hverja pylsu niður í 3 hluta svo úr verði 30 hlutar.
- Skerið granna þríhyrninga út úr pizzadeiginu. Breiðari endinn má vera jafn þykkur og pylsan og svo rúllið þið mjórri endanum hringinn.
- Þræðið pylsurnar með deiginu upp á grillprik, 2 einingar á hvert.
- Krumpið álpappír og leggið prikin með pylsunum ofan á hann.
- Penslið létt með pískuðu eggi + vatni og stráið sesamfræjum yfir.
- Grillið við óbeinan hita, um 200°C í 10-12 mínútur eða þar til deigið er farið að gyllast.
- Njótið með yellow mustard og tómatsósu!
Tómatsósa + sinnep er síðan klassík til að dýfa þeim í!
Ekki skemmir Heinz tómatsósan sem er með 50% minni sykri fyrir!
Þessi færsla er unnin í samstarfi við Gerum daginn girnilegan!
