Það er alltaf gaman að líkja eftir vinsælum skyndibita. Það voru að koma á markað kjúklingafranskar frá Ali og ég mátti til með að prófa að útbúa Twister með þeim. Það tók um 20 mínútur að útbúa þessa máltíð og féll hún vel í kramið hjá fjölskyldunni!
Þetta er ekki flókið!
„KFC Twister“ á hraðferð
6 stykki
- 6 x stórar mjúkar vefjur
- 35-40 stykki Ali kjúklingafranskar
- Blaðsalat
- Tómatsneiðar
- 200 g majónes
- 1 msk. svartur pipar
- 2 tsk. sítrónusafi
- Franskar í ofni sem meðlæti
- Hitið ofninn samkvæmt leiðbeiningum á poka og hitið kjúklingafranskar og kartöflufranskar þannig að hvorutveggja verði tilbúið á sama tíma.
- Skerið á meðan kálið og tómatana og takið til vefjurnar (hitið sé þess óskað).
- Hrærið saman majónesi, pipar og sítrónusafa og geymið í kæli fram að notkun.
- Raðið vefjunni síðan saman: Vefja, piparmajónes, grænmeti, kjúklingafranskar og njótið!
Um daginn óskaði ég eftir hugmyndum frá ykkur og margir óskuðu eftir fljótlegum kvöldmataruppskriftum svo hér hafið þið sannarlega eina slíka!
