Hér höfum við matarmikið pasta sem er hin fullkomna fjölskyldumáltíð!
Þetta er einfalt og gott og allir fjölskyldumeðlimir á þessu heimili kunnu að meta þennan rétt!
Kjúklingapasta með beikoni
Fyrir um 6 manns
- 500 g DeCecco Penne pasta
- 8-10 sneiðar beikon
- 3 kjúklingabringur
- 1 krukka Heinz Sundried Cherry Tomato Basil no sugar
- 250 ml rjómi
- 100 g rjómaostur
- 1 dós Piccolo tómatar
- Salt, pipar og hvítlauksduft
- Ólífuolía
- Parmesan ostur
- Sjóðið pasta samkvæmt leiðbeiningum á pakka.
- Eldið beikonið þar til það verður vel stökkt og saxið það síðan niður og geymið.
- Skerið kjúkling í bita, steikið upp úr ólífuolíu og kryddið eftir smekk.
- Hellið Heinz sósu, rjómaosti og rjóma á pönnuna þegar kjúklingurinn hefur brúnast á öllum hliðum og hrærið þar til jöfn sósa myndast og bætið þá tómötunum saman við og hitið aðeins.
- Berið fram með parmesanosti og söxuðu stökku beikoni.
Uppskriftin er stór en það er fátt betra en að eiga afgang af góðu pasta til að taka með í nesti.
Mmmm….
Þessi færsla er unnin í samstarfi við Gerum daginn girnilegan!
