Um daginn gerði ég undursamlega brauðtertu með skinkusalati og fékk ábendingu frá körfuboltamömmu um að það væri gott að setja ferskjur úr dós í skinkusalat. Ég varð auðvitað að prófa þetta og hér kemur þessi snilld fyrir ykkur að njóta! Takk fyrir ábendinguna Fanney!
Mmm, súpereinfalt og kláraðist upp til agna!
Skinkusalat með ferskjum
- 8 egg (harðsoðin)
- 150 g skinka
- 1 ferskja úr dós (2 x helmingur)
- 100 g Heinz majónes
- 100 g sýrður rjómi
- Aromat, salt og pipar
- Pískið saman majónes og sýrðan rjóma, kryddið eftir smekk.
- Skerið egg og skinku niður og setjið saman við majónesblönduna.
- Leyfið safanum að leka af ferskjunum og skerið síðan smátt niður og bætið saman við.
- Blandið öllu saman og kryddið frekar ef ykkur finnst þurfa.
- Njótið með Ritz kexi!
Ég skil ekki af hverju ég geri ekki oftar svona heimatilbúin salöt! Það er svo einfalt og þau eru svoooo góð!
Þessi færsla er unnin í samstarfi við Gerum daginn girnilegan!
