Gotterí og gersemar

Sítrónukjúklingur með hvítlauksmajó



⌑ Samstarf ⌑
Sítrónukjúklingur

Hér eru á ferðinni dúndurgóðir kjúklingaleggir sem bornir eru fram með Hellmann’s hvítlauksmajónesi og kartöfluteningum.

Kjúklingaleggir

Þessir hurfu í það minnsta á örskotsstundu á þessu heimili og stelpurnar eru búnar að panta þetta aftur í matinn fljótt svo það eru klárlega góð meðmæli! Sítrónukeimurinn gefur ferskan blæ og hvítlauksmajónesið er hin fullkomna dressing með þessu.

Hellmann's hvítlauksmajó

Sítrónukjúklingur með hvítlauksmajó uppskrift

Kjúklingur

  • 2 pk kjúklingaleggir (12-14 stk)
  • 80 ml ólífuolía
  • 1 sítróna
  • 2 tsk hvítlauksduft
  • 2 tsk salt
  • ½ tsk svartur pipar
  • 2 tsk paprikuduft
  • 2 tsk oregano
  1. Blandið öllu nema kjúklingaleggjum saman í skál og pískið saman.
  2. Þerrið leggina og komið fyrir í stórum zip lock poka.
  3. Hellið kryddleginum ofan í pokann og nuddið vel saman, kælið í að minnsta kosti klukkustund, best er að ná nokkrum klukkutímum eða jafnvel yfir nótt.
  4. Bakið í ofni við 220°C í um 20 mínútur, snúið einu sinni og bakið í 10 mínútur til viðbótar. Einnig má grilla leggina úti en þá þarf skemmri tíma.
  5. Berið fram eina og sér með hvítlauksmajónesi eða einnig með kartöfluteningum, salati eða öðru (Hér eru leggirnir með hvítlauksmajónesi og kartöfluteningum, sjá uppskrift að neðan).

Meðlæti

  • Hellmann‘s hvítlauksmajónes
  • 3 bökunarkartöflur
  • Ólífuolía, salt, pipar og hvítlauksduft
  1. Skrælið og skerið niður bökunarkartöflur í litla teninga (um 1cm í þvermál).
  2. Steikið upp úr ólífuolíu á miðlungsháum hita þar til þeir mýkjast og kryddið til með salti, pipar og hvítlauksdufti.
  3. Gott er að bæta aðeins meiri olíu á pönnuna eftir þörfum og hræra vel í, það tekur um 20-25 mínútur fyrir kartöflurnar að brúnast og mýkjast svo tilvalið er að elda þær á meðan kjúklingurinn er í ofninum.
Hvítlauksmajónes

Mmmmm…..

Kjúklingaleggir

Leave a Reply

Your email address will not be published. Required fields are marked *

Fylgstu með á Instagram