Þetta salat er geggjað! Gerði það fyrir Gott í matinn á dögunum og nú er það komið hingað inn fyrir ykkur að prófa.
Langar eiginlega bara í þetta núna!
Eggjasalat með avókadó og beikoni uppskrift
- 5 harðsoðin egg
- 1 x avókadó
- 150 g stökkt beikon + meira til skrauts
- 2 x vorlaukur
- 2 msk grísk jógúrt frá Gott í matinn
- 3 msk sýrður rjómi frá Gott í matinn
- Safi úr ½ límónu
- Salt, pipar, chiliduft
- Skerið niður egg og avókadó í litla bita, myljið/klippið beikonið og saxið laukinn.
- Blandið jógúrti, sýrðum rjóma og límónusafa saman í skál, kryddið til með salti, pipar og smá chilidufti.
- Hellið öllum hráefnunum saman við jógúrtblönduna og blandið vel.
- Salatið hentar vel með stökku kexi eða grófu, ristuðu brauði.
