Gotterí og gersemar banner

Hátíðarbrauð



⌑ Samstarf ⌑
Einfalt brauð í potti

Það er fátt betra en heimabakað brauð, ylvolgt með góðu áleggi!

Heimabakað brauð uppskrift

Ég bakaði á dögunum pottabrauð og notaði grunninn af þeirri uppskrift fyrir þetta dásamlega hátíðarbrauð. Trönuber og valhnetur eru það sem setja síðan jólin í þetta undursamlega brauð.

Dásamlegt heimabakað brauð í potti

Hátíðarbrauð

  • 1 þurrgersbréf (11,8 g)
  • 3 msk. hunang
  • 280 ml volgt vatn
  • 2 tsk. salt
  • 360 g Polselli Manitoba hveiti
  • 50 g saxaðar valhnetur
  • 50 g þurrkuð trönuber
  1. Setjið þurrger, hunang og volgt vatn saman í hrærivélarskálina og leyfið að standa í um 5 mínútur þar til gerið fer aðeins að freyða.
  2. Hellið þá saltinu og hveitinu saman við í nokkrum skömmtum, hrærið á lægsta hraða með króknum þar til deigið byrjar að losna frá hliðunum (deigið er aðeins klístrað og það er allt í lagi). Bætið þá hnetum og trönuberjum saman við og hrærið aðeins áfram.
  3. Hjúpið deigkúluna með vel af hveiti og leyfið að hefast í hrærivélarskálinni í klukkustund.
  4. Takið deigið þá úr skálinni og færið yfir á hveitistráðan flöt á borði, togið deigið inn að miðju eins og þið séuð að pakka því inn allan hringinn, snúið því svo við og mótið fallega kúlu.
  5. Setjið kúluna í hveitihúðaða skál með sléttu hliðina upp og stráið aftur hveiti allan hringinn svo það festist ekki við skálina í seinni hefun, leyfið að hefast í skálinni í 30 mínútur.
  6. Hitið á meðan ofninn í 220° og setjið pottinn inn í á meðan til að hita hann.
  7. Takið deigkúluna varlega upp úr skálinni og leggið hana í heitan pottinn, nú má slétta kúluhliðin snúa niður svo smá óreglulegt mynstur komi við baksturinn.
  8. Bakið með lokið á pottinum í 30 mínútur, takið lokið þá af og bakið aftur í 10 mínútur.
  9. Leyfið brauðinu síðan að kólna í um 15 mínútur áður en það er skorið niður.
  10. Gott er að bera brauðið fram með góðri sultu og brie osti en það er einnig gott með smjöri og osti, hummus eða öðru áleggi.
Heimabakað brauð með Polselli manitoba hveiti

Polselli manitoba hveitið hentar vel í brauð og súrdeigsbrauð en það hveiti er sterkara en það hefðbundna. Því hentar það líka fyrir stærri brauð með langan hefunartíma svo ég mun klárlega prófa það aftur fljótlega í brauðgerð!

Polselli Manitoba hveitið fæst Melabúðinni, Stórkaup, Fjarðarkaup, Hlíðarkaup, Pétursbúð, Þín verslun Kassinn , Smáalind, Hamóna, Sandholt, Lindabakarí, Nesbrauð, Kallabakarí, Sesam brauðhús, GK Bakarí og Veislubakstur Akureyri.

Hátíðarbrauð sem bakað er í potti

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun