Eftirréttir í glösum eru eitthvað sem ég fæ aldrei nóg af! Það er svo gaman þegar hver og einn getur fengið sinn eigin eftirrétt og slíkt á nú sérlega vel við núna á Covid tímum!
Þessa uppskrift útbjó ég á dögunum fyrir Gerum daginn girnilegan og hér fyrir neðan sjáið þið uppskriftamyndband sem við unnum saman.
Toblerone ostakaka uppskrift
Uppskrift dugar í um 8 glös
Ostakaka uppskrift
- 400 g Philadelphia rjómaostur við stofuhita
- 130 g sykur
- 2 msk. Cadbury bökunarkakó
- 210 g brætt Toblerone
- 2 tsk. vanilludropar
- 250 g þeyttur rjómi
- Bræðið Toblerone og leggið til hliðar.
- Þeytið saman rjómaost og sykur.
- Bætið bökunarkakói saman við og því næst bræddu Toblerone ásamt vanilludropum og blandið létt saman.
- Að lokum má vefja þeytta rjómanum varlega saman við blönduna og setja hana í sprautupoka/zip lock poka.
Önnur hráefni
- 500 ml þeyttur rjómi
- 8 Oreo kexkökur (muldar)
- 60 g saxað Toblerone til skrauts
- Niðursoðin kirsuber til skrauts
Samsetning
- Setjið smá ostakökublöndu í botninn.
- Næst má setja rjómalag, síðan kúfaða matskeið af Oreo mulningi.
- Endurtakið nema í stað Oreo mulnings má setja saxað Toblerone og kirsuber á toppinn.
Það er bara þannig með Toblerone að allt verður gott sem það er sett í, ég get svo svarið það!
Toblerone í bland við Oreo er síðan hin fullkomna tvenna.
Megið endilega líka fylgja Gotterí á INSTAGRAM
