Mér finnst mikilvægt að fá góðan morgunverð og sérlega inn á milli yfir jólahátíðirnar er gott að fá sér eitthvað létt og ferskt.
Mango & Passionfruit sultan frá St.Dalfour fer einstaklega vel með grísku jógúrti, granóla og kókosflögum. Á þessu heimili var í það minnsta slegist um glösin og ég myndi segja þetta sé hinn fullkomni morgunverður, millibiti eða hvað sem hentar ykkur!
Morgunverðardraumur
Uppskrift dugar í um 5 glös
- 1 krukka St. Dalfour sulta með Mango & Passionfruit
- 900 g grísk jógúrt
- Granóla (mínus rúsínur)
- Ristaðar kókosflögur
- Hunang
- Setjið smá gríska jógúrt í hvert glas.
- Næst kemur smá granóla, síðan um 2 teskeiðar af sultu og aftur granóla.
- Þá má setja aftur gríska jógúrt og toppa með smá granóla, ristuðum kókosflögum og smá hunangi.
- Gott er síðan að hræra upp í öllu saman þegar það á að njóta þess.
Mæli sannarlega með því að þið prófið þessa dásemd yfir hátíðirnar!
