Hér er á ferðinni brjálæðislega góður og djúsí BBQ borgari þar sem ég notaði „Pulled Beans“ frá Halsans Kök í staðinn fyrir kjöt. Ég er aðeins búin að vera að vinna með þessar vörur undanfarna mánuði og þær koma alltaf svo skemmtilega á óvart. Það er mun einfaldara en maður heldur að skipta út kjötmeti án þess að verða fyrir vonbrigðum eins og í þessu tilfelli hér!
Kjötlaus BBQ borgari
Uppskrift dugar í 4 borgara
- 4 hamborgarabrauð
- 2 pakkar Halsans kök pulled beans
- 4 msk bbq sósa að eigin vali
- Kál
- Rauðlaukur
- Kóríander
- Majónes
- Ólífuolía til steikingar
- Salt og pipar
- Sætkartöflu franskar
- Hitið franskarnar í ofni og undirbúið borgarana á meðan.
- Steikið „pulled beans“ upp úr ólífuolíu, saltið og piprið eftir smekk. Bætið bbq sósunni á pönnuna í lokin og hitið saman á vægum hita á meðan þið undirbúið brauð og grænmeti.
- Steikið brauðin á pönnunni, smyrjið bæði brauðin með majónesi og raðið grænmeti og vel af „pulled beans“ á milli.
- Njótið með sætkartöflufrönskum.
Mæli sannarlega með því að þið prófið! Það sem er síðan svo gott við þessar vörur að þær eru frystivara og eldaðar beint úr frystinum svo eldamennskan tekur enga stund!
