Ég hef áður deilt með ykkur uppskriftum af kjötlausum máltíðum og hér er sumarlegur og gómsætur borgari á ferðinni! Það er nefnilega þannig að þó ákveðnar vörur flokkist sem vegan, glútein fríar, lágkolvetna eða hvað eina að það má sannarlega nota slík hráefni í „hefðbundna“ eldamennsku eins og hentar hverjum og einum.
Þessi vegan buff frá Hälsans Kök voru dásamleg og ótrúlega þægilegt að geta tekið þau beint úr frystinum og skellt á grillið í nokkar mínútur. Ef þið viljið minnka notkun kjötafurða er þetta góð tilbreyting og ég hvet ykkur til að prófa!
Kjötlausir borgarar
4 stykki
- 4 Hälsans Kök buff
- 4 hamborgarabrauð
- 4 ostsneiðar
- Hamborgarasósa
- Kál
- Tómatar
- Paprika
- Rauðlaukur
- Pik-Nik kartöflustrá
- Grillið buffin samkvæmt leiðbeiningum á pakka ásamt því að hita brauðin á grillinu.
- Setjið ostsneið á hvert buff í lokin og takið þau síðan af þegar osturinn hefur bráðnað.
- Skerið niður allt grænmeti og raðið saman að vild.
- Njótið með kartöflustráum.
Fljótleg og góð grillmáltíð!
