Hér er á ferðinni dásamlegur fiskréttur sem er í senn einfaldur og bragðgóður. Hann sló í gegn hjá allri fjölskyldunni og er sannarlega lúxusútgáfa af hversdagsfiski. Á meðan fatið fer í ofninn er gott að sjóða grjón og leggja á borðið.
Mmm…..
Fiskur í ofni með rjómasósu uppskrift
Fyrir 4-6 manns
- Um 900 g þorskur
- 1 rauð paprika
- ½ blaðlaukur
- 1 x mexíkó kryddostur
- 500 ml rjómi frá Gott í matinn
- Rifinn pizzaostur frá Gott í matinn
- Salt og pipar
- Ólífuolía til steikingar
- Hitið ofninn í 190°C.
- Skerið fiskinn niður og raðið í eldfast mót.
- Skerið papriku og blaðlauk niður, steikið upp úr ólífuolíu þar til mýkist, saltið og piprið eftir smekk.
- Hellið þá rjómanum yfir grænmetið og rífið mexíkóostinn, hrærið og hitið saman þar til osturinn er bráðinn.
- Hellið yfir fiskinn í fatinu og setjið vel af rifnum pizzaosti yfir allt saman.
- Eldið í 25 mínútur í ofninum.
- Gott er að bera réttinn fram með soðnum hrísgrjónum eða kartöflum.
Rjómi gerir auðvitað alla rétti betri, það er ekkert flóknara en það!
