Við vorum í skíðaferð á Akureyri fyrr í mars og komum við á AK-inn á leiðinni heim til að fá okkur „Gelgjufæði“ sem er pylsa með frönskum og hamborgarasósu! Þeir setja síðan franskar á milli í fleira og þar á meðal AK-inn borgarann. Ég ákvað því að prófa að setja franskar á milli í hamborgara og viti menn, það var bara asskoti gott!
Þetta vakti einnig mikla lukku hjá dætrum mínum en það voru franskar bæði á milli og sem meðlæti með þessum djúsí hamborgara.
AK-inn borgari
4 stykki
- 4 x 170 g hamborgarakjöt
- 4 x stór hamborgarabrauð
- 1 poki franskar
- Kál
- Rauðlaukur
- Hamborgarasósa
- Hitið franskarnar og skerið niður grænmeti.
- Steikið/grillið hamborgarana og hitið brauðin.
- Raðið saman með nóg af frönskum og sósu á milli.
Síðan er gott að hafa ískalda Stellu á kantinum.
