Bananamöffins



Nestishugmyndir

Ef það er eitthvað sem allir elska þá er það bananabrauð, það á að minnsta kosti við á þessu heimili! Þessar hér eru æðislegar og sniðugar í nestisboxið!

Skólanesti

Hver einasta kaka kláraðist á þessu heimili og stelpurnar nutu þeirra ýmist með mjólk eða smurðu þær með smjöri og osti. Hvorutveggja er alveg dásamlegt og ekki amalegt að eiga svona í frystinum til að grípa með í nesti!

Krakkavænt nesti

Bananamöffins

Um 20 stykki

  • 2 egg
  • 80 g sykur
  • 80 g púðursykur
  • 2-3 þroskaðir bananar
  • 130 g brætt smjör
  • 2 tsk. vanilludropar
  • 180 g hveiti
  • 2 tsk. lyftiduft
  • ½ tsk. matarsódi
  • ½ tsk. salt
  • 2 tsk. kanill
  1. Hitið ofninn í 170°C.
  2. Þeytið saman báðar tegundir af sykri og egg þar til létt og ljóst.
  3. Stappið bananana og bætið þeim saman við ásamt bræddu smjöri og vanilludropum, hrærið varlega saman stutta stund.
  4. Að lokum má hræra öll þurrefni saman og setja saman við í nokkrum skömmtum.
  5. Hrærið aðeins þar til blandað, ekki of lengi.
  6. Skiptið niður í bollakökuform og bakið í um 15 mínútur eða þar til kantarnir á kökunum fara að gyllast.
  7. Gott er að smyrja kökuna með smjöri og setja ost á fyrir nesti.
Bananamöffins

Skildu eftir svar

Netfang þitt verður ekki birt.

Flokkar

0
    0
    Karfan þín
    Karfan er tómNetverslun