Það er fátt betra og einfaldara en heimagerð, heit íssósa! Það má nota hvaða ís sem er með sósunni og gott er að leyfa henni aðeins að standa og þykkna áður en hún fer á ísinn. Ef þið viljið útbúa fljótlegan og ljúffengan eftirrétt þá er ís með heitri súkkulaðisósu málið!
Toblerone sósa hefur alltaf verið í uppáhaldi á þessu heimili svo Elín Heiða útbjó slíka sósu fyrir bókina sína, Börnin baka í fyrra.
Hér fyrir ofan má sjá myndband þar sem Elín Heiða sýnir hversu einfalt þetta er!
Heit íssósa uppskrift
- 220 g Toblerone súkkulaði
- 100 ml rjómi
- Saxið Toblerone gróft niður og setjið í pott ásamt rjómanum.
- Hitið saman við meðalhita þar til súkkulaðið hefur bráðnað, hrærið reglulega í sósunni á meðan.
- Leyfið hitanum síðan aðeins að rjúka úr sósunni áður en hún er notuð á ís.
- Gott er að strá söxuðu Toblerone yfir ísinn ásamt heitu sósunni.
Nú er bara að kaupa ís og allt í þessa undursamlegu sósu fyrir næsta kósýkvöld, mmmmmm!
