Hafrakökur eru algjör klassík og allir þær elska! Hér tók ég smá twist á eina slíka uppskrift og bætti þurrkuðum trönuberjum og pistasíukjörnum saman við til að fá smá jólafíling í þær og þessar voru hrikalega góðar!
Mmmm……
Hafrakökur í hátíðarbúning
Um 35-40 stykki
- 225 g smjör við stofuhita
- 220 g sykur
- 170 g púðursykur
- 3 egg
- 230 hveiti
- 1 tsk. lyftiduft
- 1 tsk. kanill
- ½ tsk. salt
- 250 g Til hamingju fínt haframjöl
- 100 g Til hamingju þurrkuð trönuber
- 70 g Til hamingju pistsíukjarnar
- 150 g hvítt súkkulaði (til að skreyta með)
- Hitið ofninn í 180°C.
- Þeytið saman smjör og báðar tegundir af sykri þar til blandan er létt og ljós.
- Bætið eggjunum saman við, einu í einu og hrærið og skafið niður á milli.
- Blandið hveiti, lyftidufti, kanil og salti saman í skál og setjið saman við smjörblönduna, skafið niður og blandið vel.
- Bætið loks haframjöli, trönuberjum og pistasíuhnetum saman við og hrærið stutta stund.
- Skiptið niður á bökunarplötur íklæddar bökunarpappír. Útbúið kúlur úr um 2 msk. af blöndu fyrir hverja köku. Hafið gott bil á milli því þær munu fletjast út.
- Bakið í 15-18 mínútur.
- Kælið kökurnar, bræðið súkkulaðið og rennið því síðan nokkrum sinnum yfir hverja köku til að skreyta hana.
Hvítt súkkulaði til að skreyta með toppar síðan bragðið alveg!
