Það er ekki á hverjum degi sem ORA kemur með nýja síld en hér kemur ein fyrir páskana! Það er ótrúlega skemmtilegt og ferskt bragð af henni, sítrónukeimurinn kemur sterkt í gegn og fengu þessar tartalettur virkilega góða dóma frá þeim sem þær smökkuðu!
Egg finnst okkur ómissandi með síld svo ég reyni alltaf, í einhvers konar formi, að hafa þau með! Hér gerðum við einfalt eggjasalat og það kom síðan mjög vel út að setja allt saman í tartalettu.
Tartalettur með síld og eggjasalati
10 stykki
- 10 tartalettur
- Eggjasalat (sjá uppskrift að neðan)
- 1 ½ – 2 krukkur af ORA páskasíld
- 4 rifnar gulrætur
- Baunaspírur
- Lime/sítróna til skrauts
- Dill til skrauts
- Skiptið eggjasalatinu niður í tartaletturnar.
- Setjið 3-4 bita af síld ofan á salatið í hverri tartalettu.
- Toppið með rifnum gulrótum, baunaspírum, dilli og sítrónupipar.
Eggjasalat uppskrift
- 5 harðsoðin egg
- ½ laukur saxaður
- 90 g majónes
- 2 tsk. sætt sinnep
- 2 tsk. Aromat
- 1 tsk. sítrónupipar
- Skerið eggin smátt niður og blandið öllu saman.
Nammi namm!
