Ójá, þetta er eins gott og það hljómar!
Harpa Ólafs vinkona mín var að bralla þetta um daginn og ég fékk hana til að senda mér samsetninguna og prófaði loksins. Útkoman var alveg geggjuð og þarna er hægt að sameina kaffibollann og morgunmatinn á einum stað, hahaha! Fyrir ykkur sem ekki viljið koffein þá má að sjálfsögðu notast við koffeinlaust slíkt!
Tiramisu morgunverðargrautur
Uppskrift dugar í tvö glös/krukkur
Morgunverðargrautur uppskrift
- 40 g Til hamingju tröllahafrar
- 30 g Til hamingju chiafræ
- 1 msk. bökunarkakó
- 130 ml mjólk að eigin vali
- 60 ml sterkt kaffi
- 1 tsk. vanilludropar
- 1 tsk. sýróp
- Setjið allt saman í skál/könnu, hrærið saman og skiptið niður í glös.
- Plastið og geymið í ísskáp í lágmark 2 klukkustundir eða yfir nótt.
Toppur
- 2 msk. grísk jógúrt
- Bökunarkakó
- Smá saxað súkkulaði
- Toppið með grískri jógúrt, sigtið bökunarkakó yfir og setjið smá saxað súkkulaði og njótið.
Ég nota alltaf tröllahafra þegar ég geri kaldan hafragraut. Það tekur enga stund að hræra í svona graut og gott að eiga til að grípa með sér í nesti næsta dag eða njóta heima.
