Ég mátti til með að hoppa á döðlunammiæðið sem ég hef séð skrilljón og þúsund myndbönd af, hahaha! Ég er hins vegar að nota þurrkaðar döðlur og í stað þess að kljúfa þær þá flatti ég þær út. Þetta tókst svoooo vel og nammi, namm hvað þetta er gott! Klárlega sætur biti í hollari kantinum sem vert er að prófa.
Þetta tekur enga stund og algjör snilld að eiga í ísskápnum!
Mmmm…..
Döðlunammi
- 1 poki Til hamingju döðlur (heilar)
- Um 4 msk. möndlusmjör
- 30 g Til hamingju möndlur (saxaðar gróft)
- 20 g Til hamingju pistasíur (saxaðar gróft)
- 160 g dökkt súkkulaði (brætt)
- Til hamingju kókosflögur
- Gróft salt
- Hellið döðlunum á bökunarpappír, raðið þétt saman og leggið annan pappír ofan á. Merjið niður með kökukefli eins og hægt er, þjappið þeim síðan saman eins og þið getið.
- Setjið möndlusmjör jafnt yfir döðlurnar og stráið möndlum og pistasíum yfir, setjið í frystinn í nokkrar mínútur á meðan þið bræðið súkkulaðið.
- Takið úr frysti og dreifið jafnt úr brædda súkkulaðinu, stráið kókosflögum og smá salti yfir áður en súkkulaðið storknar.
- Setjið aftur í frystinn í nokkrar mínútur og skerið síðan niður í bita.
- Best er að geyma bitana síðan í kæli eða frysti.
Ég elska þessar döðlur einar og sér en þessi samsetning er eitthvað annað, alveg hrikalega gott nammi!
