Hamborgarar eru alltaf klassík. Ég veit ekki af hverju ég hef ekki gert hamborgara með eggi og beikoni hér heima áður en það er ótrúlega gott! Þetta eru auðvitað engin stjarnvísindi en alltaf gaman að koma með nýjar hugmyndir af samsetningu á hamborgara.
Tvöfaldur hamborgari með beikoni og eggi
Uppskrift miðast við 4 hamborgara
- 4 x hamborgarabrauð (brioche)
- 8 x 90 g hamborgarabuff
- 8 ostsneiðar
- 12 beikonsneiðar
- 4 egg
- Sultaður laukur
- 4 x buff tómatsneiðar
- Kál
- Hamborgarakrydd
- Smjör og matarolía
- Heinz Burger Sauce
- Steikið beikon þar til það er stökkt.
- Steikið og kryddið hamborgarana (eða grillið) og setjið ostinn á í lokin, hitið brauðin.
- Steikið eggin í smjöri þar til þau eru eins og þið viljið hafa þau og raðið síðan öllu saman; Brauð, Heinz Burger Sauce, kál, tómatur, kjöt, sultaður rauðlaukur, kjöt, beikon, egg, meiri Heinz Burger Sauce.
Heinz Burger sósan er virkilega góð hamborgarasósa. Það er dill í henni svo hún er aðeins öðruvísi en þær sem við eigum að venjast en sannarlega góð og ljúffeng tilbreyting.
Nammi namm!
Þessi færsla er unnin í samstarfi við Gerum daginn girnilegan!
