Tacos með hakki er eitthvað sem slær í gegn á flestum heimilum. Þessi réttur er ofur einfaldur, hollur og góður. Best er að útbúa sumarsalsa fyrst og geyma í kæli á meðan annað er undirbúið.
Tacos með hakki og sumarsalsa
Fyrir 4-5 manns
- Um 500 g nautahakk
- 1poki tacokrydd
- 12-15 harðar tostadas skeljar/taco skeljar
- Rifinn cheddarostur frá Gott í matinn
- Sýrður rjómi frá Gott í matinn
- Sumarsalsa (sjá uppskrift hér að neðan)
- Kóríander
- Ólífuolía
- Hitið ofninn í 180°C.
- Steikið hakkið upp úr ólífuolíu og kryddið með taco kryddi.
- Hitið skeljarnar og raðið saman á skeljarnar: cheddar ostur, hakk, sumarsalsa, sýrður rjómi og kóríander.
Sumarsalsa uppskrift
- 2 lítil mangó (þroskuð)
- 2 lítil avókadó (í poka)
- Nokkur jarðarber
- ½ rauðlaukur
- ½ lime (safinn)
- 2 msk. saxað kóríander
- Salt og pipar
- Skerið mangó, avókadó og jarðarber í litla bita.
- Saxið rauðlaukinn smátt.
- Blandið öllu saman í skál og kreistið lime yfir.
- Smakkið til með salti og pipar.
Að mínu mati er sýrður rjómi algjörlega ómissandi á Tacos!
