Smákökur gleðja svo sannarlega á aðventunni og hér kemur ein dásamleg uppskrift með pekanhnetum.
Pekanhnetukökur
Um 35 stykki
- 170 g Til hamingju pekanhnetur
- 310 g hveiti
- 1 tsk. matarsódi
- ½ tsk. salt
- 220 g smjör við stofuhita
- 200 g sykur
- 100 g púðursykur
- 2 egg
- 1 tsk. vanilludropar
- Saxið pekanhneturnar niður, dreifið úr þeim á bökunarplötu og ristið við 190°C í 5-7 mínútur, hrærið nokkrum sinnum í á meðan og leyfið þeim síðan að kólna aðeins á meðan annað er útbúið.
- Setjið hveiti, matarsóda og salt í skál, geymið.
- Þeytið smjör og báðar tegundir af sykri þar til létt og ljóst, skafið nokkrum sinnum niður á milli.
- Bætið eggjum og vanilludropum saman við og skafið aftur niður á milli.
- Næst fer hveitiblandan saman við og um ¾ af söxuðu pekanhnetunum (restina notið þið ofan á kökurnar).
- Nú má hnoða deigið aðeins saman í höndunum, plasta það og kæla í að minnsta kosti 2 klukkustundir.
- Rúllið þá í kúlur (notið um 1 matskeið), raðið á bökunarpappír með gott bil á milli og þrýstið aðeins ofan á hverja kúlu.
- Stráið restinni af pekanhnetunum yfir kökurnar og bakið við 175°C í 15-17 mínútur.
Pekanhnetur eru einar af mínum uppáhalds hnetum og set ég þær í alls kyns uppskriftir, nú eða borða bara einar og sér!
