Í dag er akkúrat vika í Páskadag. Það er því ekki seinna að vænna en að byrja að huga að einhverju góðgæti til að dúlla sér við á næstu dögum. Hér er á ferðinni risa brownie kaka í pönnu sem er fullkominn eftirréttur til að deila á páskunum.
Það er fátt betra en volg kaka með ís og sósu, namm!
Mmmm þessi er sko góð!
Páskabrownie í pönnu
- 220 g smjör við stofuhita
- 150 g púðursykur
- 60 g sykur
- 130 g brætt dökkt súkkulaði
- 2 egg
- 1 tsk. vanilludropar
- 250 g hveiti
- 20 g Cadbury bökunarkakó
- ½ tsk. salt
- 300 g Cadbury Mini Eggs (söxuð gróft)
- Hitið ofninn í 170°C.
- Þeytið saman smjör og báðar tegundir af sykri þar til létt og ljóst.
- Bræðið súkkulaðið og blandið því saman við smjörblönduna ásamt vanilludropunum.
- Bætið eggjunum út í, einu í einu og skafið niður á milli.
- Blandið saman hveiti, bökunarkakó og salti og setjið saman við, skafið niður á milli.
- Að lokum má setja um ½ af súkkulaðieggjunum út í deigið, smyrja eldfasta pönnu, mót eða bökunarform vel með smjöri og jafna deigið þar í.
- Restinni af súkkulaðieggjunum má strá yfir deigið og baka síðan kökuna í um 30 mínútur.
- Best er að bera kökuna fram volga með ís eða rjóma.
Ég elska Cadbury súkkulaðieggin, það er svo gott í þeim súkkulaðið og „skurnið“ er svo fullkomið á þykkt.
Það má bera kökuna fram með ís eða þeyttum rjóma, ég myndi segja að bæði væri betra, haha!
