Já krakkar mínir, það er komin sumarsíld með jarðarberjum og hvítvíni takk fyrir! Ég mátti til með að að vinna með þau hráefni og ákvað að þessu sinni að skera síldina niður og setja hana í eggjasalat sem kom ótrúlega vel út!
Snitturnar skreytti ég síðan með sítrónu, jarðarberjum og myntu, síðan er auðvitað nauðsynlegt að njóta þeirra með góðu hvítvíni.
Mæli með að þið prófið þessa samsetningu!
Sumarsnittur með síldarsalati
Um 12 snittur
- 6 rúgbrauðssneiðar að eigin vali (ferkantaðar)
- 200 g ORA sumarsíld
- 4 egg (harðsoðin)
- 80 g majónes
- Salt og pipar eftir smekk
- Sítrónusneiðar (til skrauts)
- Jarðarber (til skrauts)
- Mynta (til skrauts)
- Takið um 200 g af sumarsíld úr krukkunni, leyfið vökvanum að leka vel af en allt í lagi ef laukur/annað úr krukkunni fylgi með (gerir bara betra bragð). Saxið síldina næst niður í litla bita og hellið í skál.
- Skerið eggin niður með eggjaskera á tvo vegu og bætið í skálina.
- Því næst má setja majónesið og blanda öllu varlega saman, smakkið síðan til með salti og pipar.
- Skerið rúgbrauðssneiðarnar til helminga, horn í horn svo úr verði 12 þríhyrningar.
- Skiptið salatinu á milli sneiðanna og skreytið með sítrónu, jarðarberi og myntu.
ORA síldin svíkur engan!
