Stundum er gaman að nostra aðeins við smárétti og hér kemur einn sem væri tilvalinn fyrir Bóndadaginn núna á föstudaginn!
Hvítlauksfylltir sveppir með tígrisrækjum
12-15 stk
- 1 pk. tígrisrækja frá Sælkerafiski
- 4 msk. Caj P grillolía með hvítlauk
- Um 300 g sveppir
- ½ laukur
- 4 hvítlauksrif
- 1 msk. timian (saxað)
- ½ hvítlauks kryddostur
- 1 msk. rjómaostur
- 1 msk. smjör
- Salt og pipar
- Affrystið rækjurnar, skolið og þerrið vel, leggið í marineringu í Caj P olíunni á meðan annað er undirbúið.
- Fjarlægið stöngulinn úr sveppunum og skafið innan úr þeim aðeins betur, saxið allt sem þið takið innan úr + stönglana smátt niður.
- Hitið ofninn í 210°C og raðið holuðu sveppunum á bökunarplötu.
- Saxið laukinn smátt og steikið upp úr smjöri ásamt því sem kom innan úr sveppunum og bætið hvítlauk og timian saman við í lokin. Steikið þar til allt er orðið mjúkt og kryddið eftir smekk.
- Rífið þá kryddostinn og bætið á pönnuna ásamt rjómaostinum, hrærið saman í kássu stutta stund og slökkvið á hellunni.
- Fyllið sveppina með blöndunni og komið einni rækju fyrir ofan á, setjið svo inn í ofn í um 10 mínútur eða þar til rækjurnar verða bleikar.
- Mæli með að njóta með góðu hvítvíni.
Tígrisrækjur eru svo dásamlega góðar! Alltaf þegar ég útbý uppskrift með þeim, skil ég ekki af hverju ég nota þær ekki oftar!
Mmmmm…..þetta var alveg æðislegt!
Þessi færsla er unnin í samstarfi við Gerum daginn girnilegan!
