Við elskum að gera pulled pork borgara og oftar en ekki kaupum við lítil brauð fyrir slíkt í Costco (dinner rolls) en það má að sjálfsögðu nota hefðbundin hamborgarabrauð líka! Þetta er fullkominn partýmatur, það er hægt að hita kjötið í potti og hafa allt grænmeti, beikon og sósu tilbúið á meðan brauðin eru hituð og síðan skammtar fólk sér sjálft.
Mmm, svo gott og einfalt!
Pulled Pork borgarar
Dugar í um 12 litla hamborgara (fyrir 4-6 manns)
- 1 pk Ali Pulled Pork (500 g)
- 12 lítil hamborgarabrauð/dinner rolls
- 12 sneiðar Ali beikon
- Hamborgarasósa
- Kál
- 12 tómatsneiðar
- Rauðlaukur
- Kóríander (ef vill)
- Hitið pulled pork í potti/á pönnu við vægan hita þar til það er heitt í gegn, undirbúið annað á meðan.
- Steikið beikonið þar til stökkt og leggið til hliðar.
- Skerið niður grænmeti og hitið brauðin.
- Raðið að lokum öllu saman og njótið.
- Gott er að bera borgarana fram með maís og sætkartöflu frönskum.
Það er snilld að geta keypt þetta svona tilbúið og þannig snarað fram partýmat á nokkrum mínútum!
