Gotterí og gersemar banner

Krönsí konfektmolar



⌑ Samstarf ⌑
Krönsí konfektmolar

Það er svo gaman að útbúa heimagert konfekt eða annað gúmelaði. Hér er ég búin að setja saman alls kyns hnetur, sælgæti og trönuber í bland við dökkt súkkulaði og útkoman var alveg frábær.

Iittala Maribowl með konfekti

Ég á Maribowl skálar í öllum heimsins litum og fer þessa dagana extra varlega með þær þar sem þær eru flestar hættar í framleiðslu. Það var hinsvegar að koma nýr litur í takmörkuðu upplagi frá Iittala sem heitir „linen“ og er ótrúlega fallegur. Linen skálin er hér fyrir ofan í miðjunni og svo er skálin einnig til í „clear“ og „gray“ í Iittala búðinni í Kringlunni.

Heimagert konfekt

Krönsí konfektmolar uppskrift

  • 350 g dökkt súkkulaði
  • 2 x Polly original pokar (2 x 130 g) + meira til að setja ofan á
  • 100 g gróft saxaðar pekanhnetur
  • 100 g gróft saxaðar möndlur
  • 70 þurrkuð trönuber + meira til að setja ofan á
  • 100 g saltkringlur + meira til að setja ofan á
  • 30 g kókosflögur + meira til að setja ofan á
  1. Klæðið ferkantað mót með bökunarpappír (um 25 x 25 cm)
  2. Bræðið dökka súkkulaðið og leyfið hitanum að rjúka úr á meðan þið takið til önnur hráefni.
  3. Hrærið öllu saman í stórri skál, hellið í ferkantaða formið og þjappið vel niður.
  4. Setjið smá Polly, trönuber, saltkringlur og kókosflögur ofan á til að molarnir verði enn fallegri þegar þeir eru skornir niður.
  5. Setjið í frysti í um klukkustund, leyfið svo aðeins að standa við stofuhita og skerið niður.
Polly sælgæti

Það passar vel í svona mola að nota Polly súkkulaðinammi því það er seigt og fer vel með stökkum hnetum og súkkulaði.

Rocky Road nammi

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun