Hnetumolar með súkkulaði

Hnetustykki eru svo góð og æðislegt að eiga þau til að grípa í nesti eða sem millimál. Við tókum þessa mola með í göngu um helgina og fólk var ansi sátt með þá í nestispásunni.

170 g Til hamingju kasjúhnetur
100 g Til hamingju pekanhnetur
70 g Til hamingju graskersfræ
60 g Til hamingju þurrkuð trönuber
50 g Til hamingju tröllahafrar
100 g hlynsýróp
50 g púðursykur
2 tsk. vanilludropar
½ tsk. salt
80 g suðusúkkulaði

Hitið ofninn í 175°C og setjið bökunarpappír í ferkantað mót sem er um 25 x 25 cm. Gott er að láta pappírinn ná upp fyrir kantana svo auðveldara verði að lyfta hnetublöndunni upp úr eftir bakstur til að skera hana.
Hrærið hnetur, fræ, trönuber og tröllahafra saman í skál.
Hitið sýróp, púðursykur, vanilludropa og salt saman í potti þar til sykurinn leysist upp, takið af hellunni þegar blandan byrjar að sjóða.
Hellið yfir hnetublönduna og blandið saman við með sleif.
Þjappið í bökunarformið og bakið í 20 mínútur, leyfið að kólna í um 30 mínútur áður en þið lyftið blöndunni upp úr.
Skerið niður í 16 bita á pappírnum án þess að taka í sundur. Bara gott að skera áður en blandan er fryst með súkkulaðinu.
Bræðið súkkulaðið og dreifið því yfir hnetublönduna, setjið í frysti í um 20 mínútur og losið hnetumolana síðan í sundur og njótið.