Það eru margir að hittast núna í kringum áramótin og gera sér glaðan dag. Oft finnast mér bestu fjölskyldu- og vinahittingarnir vera brönshittingar í kósýheitum. Það þarf alls ekki að vera flókið að snara fram góðgæti í slíkt boð líkt og hér gefur að líta.
Ferskir ávextir í fallegu glasi biðja mann um að borða sig!
Ferskur nýársbröns
- Hatting súrdeigsrúnstykki
- Eggjasalat (sjá uppskrift að neðan)
- Ávaxtasalat (sjá samsetningu hér að neðan)
- Fun light ávaxtasafi með klökum
Eggjasalat uppskrift
- 7 harðsoðin egg
- 6 sneiðar stökkt beikon
- 200 g majónes
- 2 saxaðir vorlaukar
- 1 msk. Boston Gurka (relish)
- 1 tsk. sætt sinnep
- Salt og pipar eftir smekk
- Skerið eggin niður og saxið beikonið smátt.
- Blandið öllu saman með sleikju og geymið í kæli fram að notkun.
Ávaxtasalat
- Jarðarber
- Kiwi
- Bláber
- Ananas
- Vatnsmelóna
Hatting súrdeigsrúnstykkin eru dásamleg, nýkomin úr ofninum. Dúnmjúk að innan og stökk að utan. Eggjasalatið fer einstaklega vel með þeim og ávextir og djús fullkomna svo tríóið.
Ef maður vill flýta aðeins fyrir sér í eggjasalatsgerð þá er sniðugt að sjóða eggin kvöldinu áður og taka utan af þeim. Geyma þau svo í kælinum til næsta dags og hræra þá í salatið.
